եվրոպայի խորհրդի գագաթաժողովները
 Պետությունների և կառավարությունների ղեկավարների գագաթաժողովները Պետությունների և կառավարությունների ղեկավարների հանդիպումների արդյունքում Եվրոպայի խորհրդի գործունեությունը ձեռք է բերել նոր քաղաքական ազդակ ամենաբարձր մակարդակով՝ ուղղված Եվրոպայում կայունության ամրապնդմանը, հատկապես կոմունիստական ռեժիմի փլուզումից հետո:
Երրորդ գագաթաժողովը Վարշավա, մայիսի 16-17-ը, 2005թ. - «Պետությունների և կառավարությունների ղեկավարների գագաթաժողովի նպատակն է ապահովել Եվրոպայի խորհրդի համապատասխանությունը Եվրոպայի 800 միլիոն քաղաքացիների ակնկալիքներին և երաշխավորել, որ կազմակերպության խնդիրները և գործառույթներն ուղղված են այս նոր դարում նրանց առջև ծառացող խնդիրների լուծմանը:» Եվրոպայի խորհրդի անդամ պետությունները 2004թ. հուլիսի 8-ին համաձայնության եկան 2005թ. մայիսի 16-ից 17-ը Վարշավայում կազմակերպել Պետությունների և կառավարությունների ղեկավարների գագաթաժողով` Լեհաստանի կառավարության հրավերով: Այն Եվրոպայի խորհրդի կազմակերպած գագաթաժողովներից թվով երրորդն է: Առաջինը տեղի է ունեցել Վիեննայում 1993թ.` կոմունիզմի տապալումից և Կենտրոնական և Արևելյան Եվրոպայում ժողովրդավարական նոր պետությունների ի հայտ գալուց հետո: Երկրորդ գագաթաժողովը, որը տեղի է ունեցել 1997թ. Ստրասբուրգում, նոր արժեք և ուժ հաղորդեց մարդու իրավունքների պաշտպանության խնդիրներին. մասնավորապես որոշում կայացվեց հիմնել Եվրոպայում Մարդու իրավունքների հանձնակատարի ինստիտուտը... (շարունակել)
Երիտասարդական գագաթաժողով Վարշավա, մայիսի 15-16-ը, 2005թ. - Եվրոպայի խորհրդի երիտասարդական գագաթաժողովը կանցկացվի Պետությունների և կառավարությունների ղեկավարների գագաթաժողովին զուգահեռ` 2005թ. մարտի 15-ին և 16-ին, Լեհաստանի խորհրդարանում: Մայիսի 15-ին Գագաթաժողովի բացման արարողությանը կմասնակցեն Եվրոպայի խորհրդի Գլխավոր քարտուղար Թերրի Դեյվիսը և բարձրաստիճան քաղաքական գործիչներ Լեհաստանից: Գագաթաժողովի արդյունքում պետք է ընդունվի Հռչակագիր, որն այլոց թվում ուղղված կլինի երիտասարդների կողմից և նրանց մասնակցությամբ ռասիզմի և անհանդուրժողականության դեմ եվրոպական քարոզարշավ ծավալելուն` բազմակարծությունը և մասնակցությունը խթանելու նպատակով: Այն կներկայացվի Պետությունների և կառավարությունների ղեկավարների գագաթաժողովին` աջակցություն ձեռք բերելու նկատառումով... (շարունակել)
Երկրորդ գագաթաժողովը Ստրասբուրգի գագաթաժողով, 1997թ. - 40 անդամ պետությունների առաջնորդներն ընդունեցին Գործողությունների ծրագիր հետևյալ չորս խնդիրների շուրջ` ժողովրդավարություն և մարդու իրավունքներ, սոցիալական համախմբվածություն, քաղաքացիների անվտանգություն, ինչպես նաև ժողովրդավարական սկզբունքների և մշակութային բազմազանության ուսուցում: Ռասիզմի, քսենոֆոբիայի, հրեատյացության և անհանդուրժողականության դեմ պայքարը նույնպես նոր ուժ է ստացել Երկրորդ գագաթաժողովի արդյունքում:
Ստրասբուրգի գագաթաժողով, եզրափակիչ հռչակագիր
Առաջին գագաթաժողովը Վիեննայի գագաթաժողով, 1993թ - Այդ ժամանակ Եվրոպայի խորհրդի անդամ 32 պետությունների քաղաքական առաջնորդները հաստատեցին և ամրագրեցին Եվրոպայի խորհրդի ընդլայնման և ընդարձակման քաղաքականությունը: Գագաթաժողովը հաստատեց երեք առաջնահերթություններ` - բարեփոխումներ Մարդու իրավունքների եվրոպական կոնվենցիայի մեխանիզմում` այն առավել արագընթաց և արդյունավետ դարձնելու նպատակով՝ ընդունելով Մարդու իրավունքների եվրոպական կոնվենցիայի Թիվ 11 արձանագրությունը,
- ազգային փոքրամասնությունների պաշտպանություն՝ հանգեցնելով Ազգային փոքրամասնությունների պաշտպանության շրջանակային կոնվենցիայի ընդունմանը,
- պայքար անհանդուրժողականության դեմ:
Վիեննայի գագաթաժողով, եզրափակիչ հռչակագիր
|
